Шар усны үерээс урьдчилан сэргийлэх болон малын сэг зэм устгалын ажлын явцад хяналт тавих ажлын хэсэг Бэрх хотод 4 дүгээр сарын 12-ны өдөр ажиллаа. Ажлын хэсгийн ахлагчаар аймгийн ОБГ-ын дарга, Хурандаа Ж.Эрдэнэбат, гишүүдээр ХХҮГ-ын дарга Э.Хонгорзул, Мал амьтны эрүүл мэндийн албаны дарга Х.Мягмарбат болон ОБГ-ын гамшгаас хамгаалах улсын хяналтын ахлах байцаагч, хошууч М.Мөнхбат гэсэн бүрэлдэхүүн ажиллаж байна.
Бэрх хотын тухайд байгалийн гамшигт үзэгдлийн улмаас үхэж хорогдсон мал амьтны сэг зэмийг аймгийн Засаг даргын А\141 дүгээр захирамжийн дагуу 3 дугаар сарын 25-ны өдрөөс 4 дүгээр сарын 10-ны өдрийг дуустал шуурхай зохион байгуулж ажилласан байна.
Сэг зэм устгалд Бэрх хотын 118 малчин өрх хамрагдсанаас адуу-1528, үхэр-2499, хонь-7631, ямаа-4339 нийт 15997 малын сэг зэмийг зайлуулж ариутгал халдваргүйжүүлэлтийн ажлыг зохион байгуулж дуусчээ.
Мөн тус ажилд 9 техник хэрэгсэл, 15 хүн үүрэг гүйцэтгэжээ.
Шатахуун багатай, Ховонл их ачвал газар цөмрөх асуудал ярьж, үнэрлэж тунирхаж жолоочид нь хэдэн төгрөг эсвэл шовгор өгвөл очиж ачиж явсан. Өгөөгүй мөн мэдээгүй олон айлын гадаа устгалд ороогүй сэг зэм үлдсэн.Удирдлагууд өөрсдөө хяналт тавиаагүй