Төрийн албан хаагчдын нийгмийн баталгааг хангах хөтөлбөрийн хүрээнд төрийн албан хаагчдын биеийн тамир спортоор хичээллүүлэх, харилцан туршлага солилцох, ажлын уялдаа холбоогоо хангах, багаар ажиллах чадварыг нэмэгдүүлэх, хамтач уур амьсгалыг бүрдүүлэх зорилгоор Хэнтий аймгийн ЗДТГ-аас ТАХ-дын “Спортын анхдугаар их наадам”-ыг 2024.04.04-07-ны өдрүүдэд Чингис хотод амжилттай зохион байгууллаа.
Тус наадамд төрийн 190 байгууллага хамтран 36 багт хуваагдаж, 1000 гаруй тамирчид дартс, олс таталт, сагсан бөмбөг, волейбол гэсэн 4 төрлөөр 4 өдрийн турш өрсөлдсөн юм.
Тэмцээний нийлбэр дүнгээр БЗӨБЦТСС тэргүүн байрыг эзэлж шилжин явах цомын эзэн боллоо. Харинхоёрдугаар байранд Бэрх хот, 3 дугаар байранд Дадал сум, 4 байранд Батноров, 5 дугаар байрт Power баг /УЦУОШТ, Харгуй ХХК, БОАЖГ, Хэрлэн голын сав газрын захиргаа/ тус тус шалгарлаа.
Мөн шилдэг хөгжөөн дэмжигчээр Doctors team /ЭМГ, ЗӨСТөв, ЭМДХ, Нэгдсэн эмнэлэг, УАУНЭ/ баг, удаах байранд Хэрлэн сум, 3 дугаар байранд БЗӨБЦТСС-ын хөгжөөн дэмжигчид шалгарсан юм.
Харин олс таталтын төрөлд Дадал сумын баг тамирчид тэргүүн байр, Бэрх хотын тамирчид хоёрдугаар байр, Мөрөн сумын тамирчид гуравдугаар байр эзэлсэн бол дартсын төрөлд тусгай байранд Батширээт сум, гуравдугаар байранд Батноров сум, хоёрдугаар байранд Өмнөдэлгэр сум, тэргүүн байранд "POWER" багийн тамирчид шалгарлаа.
Сагсан бөмбөгийн эмэгтэй багийн төрөлд Бор-Өндөр сумын тамирчид гуравдугаар байр, "Эрчим" багийн тамирчид хоёрдугаар байр, "Бэрх" хотын тамирчид нэгдүгээр байр эзэлсэн бол эрэгтэй багийн төрөлд газрын харилцаа, барилга, хот байгуулалтын газар, Стандарт хэмжил зүйн хэлтэс, ЦДҮС ТӨХК-ийн албан хаагчдын хамтарсан "ГСД" багийн тамирчид сагсан бөмбөгийн төрөлд тэргүүн байр эзэлж алтан медалийн эзэд боллоо. Харин "Эрчим" багийн тамирчид хоёрдугаар байр, Хэрлэн сумын тамирчид гуравдугаар байр эзэлсэн юм.
Волейболын эмэгтэй багийн төрөлд Батноров сумын тамирчид тэргүүн байр, Дадал сум хоёрдугаар байр, "POWER" багийн тамирчид гуравдугаар байр эзэлсэн бол эрэгтэй багийн төрөлд Политехник коллеж тэргүүн байр, "Эрчим" баг хоёрдугаар байр, Дадал сумын тамирчид гуравдугаар байр эзэлж өргөмжлөл, медаль, мөнгөн шагналын батламжаа тус тус гардан авлаа. Мөн энэ үеэр шилдэг тоглогч, холбогч, довтлогчдыг тодруулсан юм.
Тэмцээний зохион байгуулалт буюу арын албанд 300 гаруй албан хаагчид 8 хэсэгт хуваагдан ажиллажээ. Мөн аймгийн ЗДТГ-ын хэвлэл мэдээллийн алба болон орон нутгийн 4 хэвлэл мэдээллийн байгууллагатай хамтран 6 заалнаас нийт 140 гаруй цагийн шууд дамжуулалт хийж, 300 гаруй мэдээ мэдээллийг нийтэлж, иргэд олон нийтэд сурталчилж ажиллалаа. Мөн нээлт болон хаалтын арга хэмжээний шууд дамжуулалтыг 500 гаруй хүн нэгэн зэрэг үзэж сонирхсон бөгөөд давхардсан тоогоор 140 мянга гаруй хүн пэйжид хандсан байна.
Оролцогчдын зүгээс тус спортын их наадмыг уламжлал болгон зохион байгуулах хүсэлтэй байгаагаа илэрхийллээ.
