Байгаль орчныг хамгаалах тухай, Мал, амьтны эрүүл мэндийн тухай, гамшгийн тухай хууль журмын хүрээнд гарсан Хүнс хөдөө аж ахуй, хөнгөн үйлдвэрийн сайдын 2023 оны 01 дүгээр албан даалгавар, аймгийн Засаг даргын захирамжаар ажлын хэсэг байгуулж Амьтны амьдрах орчныг сайжруулах зорилгоор биотехникийн арга хэмжээг хэрэгжүүлэн ажиллаж байна.
Амьтны амьдрах болон идэш тэжээлийн нөхцөлийг сайжруулах чиглэлээр биотехникийн арга хэмжээг нийт 5 удаа 20 орчим байршилд хужир шүү, өвс болон ногоон тэжээлийг тавьсан аж.
Тодруулбал :
– Баянтүмэн сумын 4 дүгээр багийн Шилийн шорвог, 40-ийн шороо, төмөртийн тал, хөх хошууны ар байршлуудад 75 боодол өвс, 20 шуудай хужир шүү, 2 дугаар багийн нутаг Жаргалант уулын урд энгэр, Адуун чулуун, Мангирт, Баянцагаан гэдэг газарт 82 боодол өвс, 25 шуудай хужир шүү
– Баяндун сумын наран багийн нутаг Согоот, Дунд үл, Зүүн үл зэрэг газруудад 1 тонн хужир шүү,
– Баян-Уул сумын Харчулуут багийн нутаг Хээр морьт, Бардан уул, Эрээн даваа, Цагаан дэв зэрэг газруудад 4 тонн хужир,
– Хөлөнбуйр сумын нутаг Тосонхулстайн байгалийн нөөц газарт 200 боодол өвс 1 тонн хужир шүү,
– Матад сумын нутаг Вангийн цагаан ууланд 100 боодол өвс 350 кг жинтэй ногоон тэжээл,
– Баяндун сумын нутаг Угтам ууланд 1 тонн хужир шүү 30 боодол өвс тус тус тавьж ажиллажээ.
