Энэ жил Баянмөнх сум төмөр зудын хэмжээнд хүрч, нийт малын 40.9 хоргодоод байгаа. Үүнтэй холбоотойгоор тус суманд 3 дугаар сарын 16-ны өдрөөс эхлэн малын сэг зэм устгах хийгдэж эхэллээ.
Тодруулбал Хэрлэн гол дагуух 75 км газрын сэг зэмийг устгаж, булах юм. Энэ хүрээнд өнөөдрийн байдлаар Шагшуурга, Дэн орчмын 60 гаруй бод, хорь орчим бог болон Хэрлэн баг, Өргөн ширхийн 120 орчим бод богийн сэг зэмийг ачиж, цэвэрлээд байгаа юм.
Тус ажилд 19 хүн, зургаан техник дайчлагдан ажиллаж байна. Харин маргааш буюу 3 дугаар сарын 19-нөөс 30 ковштойгоор дахин үргэлжлэх юм. Цаашид шат дараатай энэхүү ажлыг зохион байгуулах бөгөөд 3000 цэгт нэг устгалын цэгийг бий болгохоор болжээ.
Сумын зүгээс ачааны машин, хүн хүчний шаардлагатай байгаа тул малчид иргэдийг машин техникээр дэмжлэг үзүүлэхийг уриалж байна. Ингэхдээ шаардлагатай түлш, бензин тосыг ЗДТГ-аас хийж өгнө гэдгийг мэдээллээ.
Мөн Хэрлэн гол нь 2 аймаг, 1 дүүрэг, 22 сумыг дамжин урсдаг. Тиймээс эдгээр газруудыг Баянмөнх сумын адил голын ойр орчим дахь сэг зэмийг цэвэрлэх ажлыг түргэн шуурхай зохион байгуулахыг уриалж байна. Учир нь урин дулаан цаг ирж, халдварт өвчин гарах эрсдэл өндөр байгаагаас гадна гол бохирдох аюултай юм.
