Монгол Улсын Үндсэн хуульд өөрчлөлт оруулснаар 2024 оны УИХ-ын сонгуулиас эхлэн парламентад 126 гишүүн сонгохоор хуульчлагдсан. Ингэхдээ 48 гишүүн нь намд өгсөн саналаар сонгогдох бол 78 гишүүн нь тойргоо төлөөлж сонгогдоно. УИХ-ын сонгуулийн жил эхэлснээс хойш сонгуульд өрсөлдөх төрийн албан хаагчид ажлаасаа чөлөөлөгдөхөөс эхлээд ирэх зургаадугаар сарын 28 хүртэл үргэлжлэх процесс өрнөсөөр буй.
Бүх зүйл хуулийн хугацаатай, Сонгуулийн ерөнхий хороо зохион байгуулах цаг нартай. Аймаг, дүүргийн ИТХ-ууд энэ сард багтаан сонгогчдын саналыг авч, тоолох хэсгүүдийг байгуулах ёстой. Мөн сонгуульд оролцох нам, эвслүүд энэ сарын 25-ны дотор мөрийн хөтөлбөртөө дүгнэлт гаргуулахаар Үндэсний аудитын газарт өгөх бөгөөд нэ мэтээр сонгуулийн ажил хөвөрнө.
УИХ-ын 2024 оны сонгуулийн бүсчилсэн том тойргийн зургаадугаарт Хэнтий, Дорнод, Сүхбаатар аймгууд багтаж байна. Тус тойргоос нийт 7 гишүүн сонгогдож парламентад сууна. Яг энэ үед иргэд олон нийтийн дунд томсгосон тойрогт хэн хэн горилж буй талаар хэдий нь халуун яриа өрнөөд эхэлжээ.
Тэгвэл Хэнтий мэдээ сонины редакц иргэд олон нийтийн дунд хамгийн их яригдаж, нэр дэвших болов уу хэмээн таамаг тавьж буй ХЭНТИЙН ГОРИЛОГЧ нараас онцлон хүргэж байгаа юм.
РЕЙТИНГ ДЭЭГҮҮР ЯРИГДАЖ БУЙ ГОРИЛОГЧИД:
МАН-ААС-
- Монгол Улсын Ерөнхий сайд Лувсаннамсрайн Оюун-Эрдэнэ
- УИХ-ын гишүүн Цагаанхүүгийн Идэрбат
- УИХ-ын гишүүн Бадмаанямбуугийн Бат-Эрдэнэ
- ХХААХҮЯ-ийн дэд сайд Мөнгөнцогийн Ганхүлэг
- Хэнтий аймгийн ИТХ-ын дарга Г.Хэрлэнчулуун
- Хэнтий аймгийн Засаг дарга Ц.Чогсомжав
АН-ААС-
- Ардчилсан намын Дэд дарга Төрмөнхийн Пүрэвхатан
- Хэнтий аймгийн Улаанбаатар хот дахь Нутгийн зөвлөлийн тэргүүлэгч Шагдарын Батдэлгэр
- АЭХ-ны дэд ерөнхийлөгч, АН-ын ҮБХ-ны гишүүн Энхбаярын Цэцэгсайхан
- Ардчилсан намын Үндэсний бодлогын хорооны гишүүн Дэмбэрэлваанчигийн Балдан
ХҮН НАМААС
- Хэнтий аймгийн ХҮН намын хорооны дарга, “Номадик контент” ХХК-ийн ТУЗ-ийн дарга Д.Баярбилэг
Тус цувралын дараагийн дугаарт ГОРИЛОГЧ НАРЫН ХЭН НЬ ХЭН БЭ? гэдэг талаар дэлгэрэнгүй мэдээллийг хүргэх юм. Үргэлжлэлийг Хэнтийн мэдээ сонины 2024.03.11-ний дугаараас..
