Дорнод аймагт олон жилийн дунджаас ахиу буюу 40 шахам удаагийн давтамжтай цас орж аймгийн хэмжээнд өвөлжилт хүндэрч 9 сумын нутаг цагаан зудтай, 5 сумын нутаг цагаанаар зудархуу байна. Үүнтэй холбогдуулан аймаг сумын төсвөөс хамтран хөрөнгө гаргаж малчдад өвс тэжээлийн дэмжлэг үзүүлэх ажил хийгдэж байгаа бөгөөд Баянтүмэн сумаас өвс тэжээл нийлүүлэх ажил эхэлж байна.
Нэг суманд нийт 140 боодол, нийт том боодлоор 1500, жижиг боодлоор 25,0 мянган боодол өвсийг эхний ээлжид нийлүүлж сум тус бүрд 10-15 тн буюу нийт 150 тн малын тэжээл хивгийг хуваарилж байгаа юм. Нэмэлтээр 8 суманд тус бүр 75,0 тн тэжээлийн улаан буудайг малын тэжээлийн зориулалтаар нийлүүлнэ.
