2022 онд 4710, 2023 онд 6360 хүн гэр бүл, үр хүүхдийнхээ хамтаар нийслэл Улаанбаатар хотоос харьяаллаа шилжүүлж, орон нутагт шилжин суурьшжээ. 2023 оны байдлаар гэхэд Өмнөговь, Дархан-Уул, Эрдэнэт хот, Сэлэнгэ, Хэнтий аймгууд руу хамгийн олон иргэд шилжиж очсон байна. Тодруулбал:
- Өмнөговь аймаг 623
- Дархан-Уул аймаг 613
- Эрдэнэт хот 532
- Сэлэнгэ аймаг 451
- Хэнтий аймагт 339 иргэн хөдөөг зорьсон байна.
Харин Говьсүмбэр, Баян-Өлгий аймгууд руу хамгийн бага буюу 41-91 хүн харьяаллаа шилжүүлжээ. Ингээд харвал уул уурхай, үйлдвэрлэл, бүтээн байгуулалт хөгжсөн, ажлын байр хамгийн олонтойгоос гадна иргэдэд ажиллаж, амьдрах таатай нөхцөлийг санал болгож байгаа аймгууд руу залуус шилжих сонирхолтой байгаа юм.
