Нэгдсэн Үндэстний Байгууллагаас 1981 онд жил бүрийн 12 дугаар сарын 3-ны өдрийг “Хөгжлийн бэрхшээлтэй иргэдийн эрхийг хамгаалах өдөр” болгон тэмдэглэн өнгөрүүлдэг. Тус өдрийг тохиолдуулан Хэнтий аймгийн ХХҮГ-аас жил бүр зорилтот арга хэмжээ, ажлуудыг зохион байгуулдаг уламжлалтай.
Энэ жилийн тухайд аймгийн хэмжээнд дэх 3000 гаруй ХБИ-ийн тулгамдаж буй асуудал, дуу хоолойг сонсох зорилгоор уулзалт, хэлэлцүүлгийг 11 дүгээр сарын 21-ний өдөр зохион байгууллаа.
Тус уулзалтаар Хүний эрхийн үндэсний комисс, Нийгмийн даатгалын хэлтэс, ГХБХБГ-тай хамтран хөгжлийн бэрхшээлтэй иргэдтэй холбоотой мэдээ мэдээлэл, хуулийн хэрэгжилтийн талаар мэдээлэл өгч иргэдийн санал сэтгэгдлийг нь сонслоо. Мөн иргэдээс гарсан санал, гомдлуудыг холбогдох албаныхан болон шийдвэр гаргах түвшинд хүргэж уг хэлэлцүүлгийн үр дүнг гаргана гэдгийг зохион байгуулагчид онцлон хэлсэн юм.
Мөн энэхүү арга хэмжээнд аймгийн Засаг дарга Ц.Чогсомжав оролцож, салбартаа тэргүүлсэн иргэдийг шагнаж урамшуулснаас гадна ХБИ-ийн дунд зохион байгуулагдсан спортын тэмцээний шагналыг гардуулан өгсөн юм.
