“INVEST KHENTII-2023” гэдэг нь Монгол улсын Засгийн газрын “Шинэ сэргэлтийн бодлого”-ын хүрээнд хийгдэж буй томоохон ажлуудын нэг бөгөөд Улаанбаатар хотоос орон нутагт шилжин суурьших иргэд, аж ахуй нэгж байгууллагыг дэмжиж, хамтран ажиллах, Хэнтий аймагт төсөл хөтөлбөр хэрэгжүүлэх, бизнес эрхлэх таатай боломжуудыг танилцуулж, гадаад болон дотоодын хөрөнгө оруулалтыг татах зорилготой чуулган юм.
Тиймээс аймаг болон бүс нутгийн эдийн засгийн чадавхыг нэмэгдүүлж, орон нутагт амьдрах таатай нөхцөлийг бүрдүүлэх үүднээс Хэнтий аймгийн ЗДТГ-аас “INVEST KHENTII 2023” Хөрөнгө оруулалтын чуулганыг анх удаа 11 дүгээр 3-ны өдөр зохион байгуулах гэж байна.
Тус чуулганаар:
-Хэнтий аймгийн хөдөө аж ахуй, жижиг дунд үйлдвэрлэл дэх хөрөнгө оруулалтын боломжууд
-Хэнтий аймгийн аялал жуулчлал ба тээвэр логистикийн хөгжил, хөрөнгө оруулалтын боломжууд
-Барилга, дэд бүтцийн салбарын хөрөнгө оруулалтын боломжууд
-Бүс нутгийн хөрөнгө оруулалтын боломжуудын талаар хэлэлцэх юм.
