Тус сумын Засаг даргын үйл ажиллагааны 19,800,000 төгрөгийн санхүүжилтээр Бор-Өндөр ЕБС-ийн “А” байрны мэдээлэл зүйн кабинетад шаардлагатай тоног төхөөрөмжийг худалдан авч, хүлээлгэн өглөө.
Энэхүү ажлын хүрээнд VDI технологи нэвтрүүлсэн бөгөөд нэг сервер дээр олон компьютер ажиллах боломжтой болж, хэрэглэгчид тухайн серверийг хуваалцан ашиглах нөхцөл бүрдсэн байна. Мөн виртуал орчинд ажиллах тул багш сурагчдын компьютерийн үйл ажиллагааг хянах, удирдах, шаардлагатай үед тодорхой хугацаагаар системийг буцаах зэрэг олон давуу талтай юм.
Түүнчлэн бүх мэдээлэл серверийн хатуу диск дээр хадгалагддаг тул мэдээллийн аюулгүй байдал өндөр түвшинд хангагдах давуу талтай бөгөөд сургалтын орчин, технологийн боломжийг сайжруулахад чухал ач холбогдолтой ажил болж байна.
