“Говийн бүсийн чуулга харваа–2026” нээлттэй шагайн харвааны тэмцээн хоёр өдрийн турш зохион байгуулагдаж, өндөрлөлөө. Тус тэмцээнд оролцож, цэц мэргэнээ сорин өрсөлдсөн баг, тамирчдад шагнал гардуулах ёслолын ажиллагаа боллоо.
Шагналыг аймгийн Засаг дарга С.Мөнхчулуун, ИТХ-ын дарга Ж.Мөнхчулуун, Засаг даргын зөвлөх П.Бүрэнжаргал, Дундговь аймгийн Үндэсний шагайн харваа холбооны тэргүүн Э.Адъяабаатар, Өмнөговь аймгийн Үндэсний шагайн харваа холбооны тэргүүн Ч.Буянжаргал, Дорноговь аймгийн Үндэсний шагайн харваа холбооны тэргүүн Б.Наранбаатар, Монголын Үндэсний шагайн харваа холбооны дэд ерөнхийлөгч Ц.Идэрзориг нар гардуулав.
Өсвөрийн ангилал:
1-р байр – А.Хаш-Эрдэнэ ахлагчтай Төв аймгийн “Цэц баян” баг
2-р байр – Ц.Цогт-Очир ахлагчтай Дундговь аймгийн Чойр хайрхан ХХК-ийн “Найман” баг
3-р байр – А.Цэрэнпунцаг ахлагчтай Дундговь аймгийн Дэрэн сумын “Дэлгэрэх бүрд” баг
4-р байр – Г.Дөлгөөнтэнгис ахлагчтай Өмнөговь аймгийн Шүтээн эрдэнэ ХХК-ийн “Мэргэн одод” баг
Ахмадын ангилал:
1-р байр – Монгол Улсын гарамгай мэргэн Т.Базарханд ахлагчтай Дундговь аймгийн Дэлгэрцогт сумын “Ноён домбо” баг
2-р байр – Монгол Улсын үлэмж дархан мэргэн Д.Хүрэлсүх ахлагчтай Төв аймгийн “I TRANS” баг
3-р байр – Г.Тогтохбүрэн ахлагчтай Дундговь аймгийн Адаацаг сумын “Дэлгэр луу” баг
4-р байр – Монгол Улсын үлэмж дархан мэргэн Ш.Отгонбаяр ахлагчтай Дорноговь аймаг Аргалантын хөөвөр ХХК-ийн баг
Насанд хүрэгчдийн ангилал:
1-р байр – Монгол Улсын үлэмж дархан мэргэн Ц.Идэрзориг ахлагчтай Өмнөговь аймгийн Шүтээн эрдэнэ ХХК-ийн баг
2-р байр – Монгол Улсын үлэмж дархан мэргэн Б.Наранбаатар ахлагчтай Дорноговь аймгийн Номт даншиг ХХК-ийн баг
3-р байр – Ч.Буянжаргал ахлагчтай Өмнөговь аймгийн “Алтан говь-транс” баг
4-р байр – Аймгийн гоц мэргэн А.Ариунгэрэл ахлагчтай Хөвсгөл аймгийн “Өндөрлөг бүрэг” баг
Тус тэмцээн нь шагайн харвааны уламжлал, ёс заншлыг түгээн дэлгэрүүлэхийн зэрэгцээ харваачдын ур чадвар, багийн уялдаа холбоог илтгэсэн өрсөлдөөнтэй, сонирхолтой тэмцээн болж өндөрлөлөө.
