Хэнтий аймгийн иргэдийн Төлөөлөгчдийн хурлын ивээл дор "Ахмадын спортын VI их наадам"-ыг өнгөрөгч амралтын өдрүүдэд зохион байгууллаа. Уламжлал болгон зохиогддог тус наадмын нээлтэд аймгийн иргэдийн Төлөөлөгчдийн Хурлын дарга Б. Цогт-Орших, Аймгийн засаг даргын орлогч Б.Өнөрцолмон тэргүүтэй удирдлагууд оролцож нийт ахмад тамирчдадаа баяр хүргэж амжилт хүслээ.
Энэхүү спортын наадам нь ахмадын байгууллагын үйл ажиллагааг дэмжин чадавхжуулах, ахмадуудын нийгмийн идэвх оролцоог нэмэгдүүлэх, эрүүл мэнд, идэвхтэй хөдөлгөөнийг дэмжих зорилготойгоор зохион байгуулагдаж байна.
Ахмадын 6 дугаар наадамд софт волейбол, дартс, шугаман болон нийтийн бүжиг гэсэн спортын төрлүүдээр аймаг, сумдын 400 гаруй ахмад тамирчид ур чадвар, авхаалж самбаагаа сорин өрсөлджээ
