Аймгийн Иргэдийн Төлөөлөгчдийн Хурлын ээлжит Зургаадугаар хуралдаан 2025 оны 6 дугаар сарын 23-нд хуралдаж, дараах үндсэн хөрөнгөтэй холбоотой асуудлуудыг хэлэлцэн баталлаа.
Орон нутгийн өмчит хуулийн этгээдийн үндсэн хөрөнгөд бүртгэлтэй тээврийн хэрэгслийг нээлттэй дуудлагын худалдаагаар худалдахыг зөвшөөрөв.
Орон нутгийн өмчит байгууллагын 2 нэрийн үндсэн хөрөнгийг өөр байгууллагын балансад шилжүүлэхийг зөвшөөрлөө.
Ашиглалтын хугацаа дууссан, сэргээн засварлах боломжгүй, эдийн засгийн хувьд үр ашиггүй 1 нэрийн хөрөнгийг акталж, данснаас хасахыг зөвшөөрөв.
Биндэр сумын Засаг даргын Тамгын газрын үндсэн хөрөнгөнд бүртгэлтэй 50,000 м² газрыг төрийн өмчид шилжүүлэхийг зөвшөөрлөө. Уг газар нь “Чингис хаан Үндэсний музей”-д шилжих бөгөөд өмчлөлийн эрх шилжүүлэх, бүртгэл, гэрчилгээний ажлыг холбогдох байгууллагууд гүйцэтгэнэ.
Аймгийн ИТХ-ын хуралдаан дээрх шийдвэрүүдийг төрийн болон орон нутгийн өмчийн зохистой ашиглалт, бүртгэл, шилжилт хөдөлгөөнийг хуульд нийцүүлэн зохион байгуулах зорилгоор баталсан бөгөөд цаашид хэрэгжилтийг хянаж ажиллах үүргийг холбогдох байгууллагуудад өглөө.
