PGL-ээс зохион байгуулж буй CS2-ын 1,250,000 ам.долларын шагналын сантай "PGL Astana 2025″ тэмцээн 5-р сарын 10-18-ны өдрүүдэд Казакстан улсын нийслэл Астана хотод явагдаж байна.
Дэлхийн чансааны 7-т бичигдэж буй манай улсын баг "The MongolZ" энэ өдөр /2025.05.12/ Украйн улсын Navi /Natus Vincere/ багтай учраа тааран тоглож 2-0 (Inferno 13-11, Mirage 13-11) харьцаагаар хожиж, 3-0 гэсэн амжилттайгаар тус тэмцээний плей оффт шалгарлаа.
Тэдний хувьд эхний тоглолтоо Бразил улсын "FURIA " багийн эсрэг хийж 2-1 (Mirage 13-4, Anubis 7-13, Inferno 13:9) харьцаагаар хожсон бол хоёр дахь тоглолтоо мөн Бразил улсын баг болох “MIBR” багийн эсрэг хийж 2-0 (Mirage 13-5, Anubis 13-6) харьцаагаар хожсон юм.
"The MongolZ" нь энэ оны 7 дахь тэмцээндээ оролцож байгаагаас тавт нь ийнхүү шигшээ шатандаа шалгараад байна.
Тэдний дараагийн тоглолт 5-р сарын 16-ны өдөр болох бөгөөд ямар багтай учраа таарах нь тодорхой болоогүй байна.
