Төр нийгмийн нэрт зүтгэлтэн, жанжин Дамдины Сүхбаатарын бүтээн байгуулсан түүхэн их гавьяа, өвлүүлж, сургамжилж үлдээсэн агуу их үйл хэргийг нь хүүхэд залуучуудад сурталчлан таниулах зорилгоор Жанжин Дамдины Сүхбаатарын мэндэлсний 131 жилийн ойг тохиолдуулан “МИНИЙ МЭДЭХ ДАМДИНЫ СҮХБААТАР” сэдвийн хүрээнд эсээ бичлэг болон гар зургийн уралдааныг тус тус зохион байгуулсан.
Энэхүү уралдааныг аймгийн Засаг даргын дэмжлэгтэйгээр ахмад багш нарын “Хан Хэнтийнхэн” холбооноос зохион байгуулсан бөгөөд өнөөдөр шилдгүүдээ шалгаруулж шагналыг гардууллаа. Үүнд гар зургийн уралдаанд 169 бүтээл, эсээ бичлэгийн тэмцээнд 19 эсээ ирүүлснээс дараах хүмүүс шалгарчээ. Тодруулбал "Бидний сэтгэлийн чин зориг мэднэ" насанд хүрэгчдийн эсээ бичлэгийн уралдаанд:
- 1 байр С.Сугар
- 2 байр Т.Гансувд
- 3 байр Г.Баатарцогт
"Сүхбаатарын бага нас" гар зургийн уралдаанд 6-11 насны ангилалд:
- 1 байр Хэрлэн сумын ЕБ-ийн 1 дүгээр сургуулийн 5В ангийн сурагч Баатарсүхийн Цээнэ
- 2 байр Хэрлэн сумын ЕБ-ийн 1 дүгээр сургуулийн 2Б ангийн сурагч Б.Хатанхаан
- 3 байр Баян-Овоо сумын ЕБС-ийн 5А ангийн сурагч Батбаатарын Намуунбайгаль нар тус тус шалгарлаа.
