Ерөнхийлөгчийн ахлах зөвлөх С.Лүндэг, хөдөө аж ахуй хөдөөгийн хөгжил хариуцсан зөвлөх З.Мэндсайхан, аюулгүй байдал батлан хамгаалах бодлого хариуцсан бодлогын зөвлөх Д.Баасандамба болон Хэнтий аймгийн Засаг дарга Ц.Чогсомжав, ОБГ-ын дарга Ж.Эрдэнэбат, Мал эмнэлгийн дарга М.Анхбаяр нарын хамтарсан ажлын хэсэг өнөөдөр Хэрлэнбаян-Улааны отрын бүсэд ажиллаа.
Энэ үеэр тус отрын бүсийн өвөлжилтийн нөхцөл байдалтай танилцаж, Ерөнхийлөгчийн явуулсан хүнсний болон эрүүл мэндийн багц \тус бүр 30 ширхэг\ мөн хөдөлмөр хамгаалалтын иж бүрэн 30 ширхэг хувцас олголоо. Хуваарилалтыг тосгон хийх бөгөөд 4-өөс дээш хүүхэдтэй, өрх толгойлсон эх, хөгжлийн бэрхшээлтэй зэрэг шалгуур үзүүлэлтийг харж олгох юм.
Мөн ажиллах үеэрээ малчдын төлөөлөл болгож Хэрлэнбаян-Улаан тосгоны малчин Д.Зоригтбаатарынхаар цаг үеийн нөхцөл байдал, санал хүсэлтийг нь сонссон байна.
