Хэнтий аймгийн хэмжээнд ерөнхий боловсролын 28 сургуульд 18000 гаруй хүүхэд суралцдаг. Одоогийн байдлаар боловсролын байгууллагат 850 гаруй багш ажиллаж байгаа хэдий ч 130 гаруй багш дутагдалтай байна. Үүний 30 гаруй нь Хэрлэн сумын ерөнхий боловсролын сургуульд, үлдсэн нь сумдын сургуулиудад гарсан гарсан сул орон тоо юм.
Жишээлбэл химийн 18 багш, физик 10, англи хэл 15, технологи 11, математик 11 , дуу хөгжмийн 8 багш нэн шаардлагатай байна.
Энэхүү орон тоог нөхөхийн тулд аймгийн БШУГ-аас шинжлэх ухааны мэргэжлээр мэргэшсэн хүмүүсийг богино хугацааны сургалтад хамруулж багш мэргэжил эзэмшүүлэх, багш мэргэжлээр суралцаж буй оюутнуудыг дадлагажигч багшаар ажиллуулах, мөн багш нарын нийгмийн асуудлыг дэмжиж ажлын байранд нь авч үлдэх зэрэг арга хэмжээг авч ажиллах байна хэмээн мэдээллээ.
