7 дугаар сарын 22, 23-ны өдрүүдэд үргэлжлэн орсон аадар бороо нь Хэрлэн сумын хэмжээнд 94 мм тунадас орсон нь бусад сумдтай харьцуулахад хамгийн өндөр байгаа төдийгүй 2020 онд болсон үерийн хэмжээнээс нэг дахин илүү байгаа юм. Энэ хугацаанд аймаг, сумын Онцгой комиссоос дараах арга хэмжээг авч хэрэгжүүллээ. Тодруулбал:
•ОБГ-т 21 дуудлага мэдээлэл бүртгэгдсэн. Үүнээс дагуу аймгийн ОБГ, Хэрлэн сумын ерөнхий зориулалтын мэргэжлийн ангийн бүрэлдэхүүн хамтран ажиллалаа.
•Үерийн усанд өртсөн айл өрхүүдийг нүүлгэн шилжүүлэх ажил зохион байгуулж байна. Одоогийн байдлаар 5 айлыг нүүлгэн шилжүүлсэн.
•Нүүлгэн шилжүүлэх боломжгүй айл өрхийн гишүүдийг байрлуулах түр хоргодох байрыг багийн иргэний танхим, ахуй үйлчилгээний төвүүдэд бэлдэж одоогоор 4 өрхийн 7 иргэнийг байрлуулаад байна.
•Хэнтий ус ХХК албан байгууллага болон орон сууцны подвалд орсон борооны усыг соруулж ажиллалаа.
•Хэрлэн сумын ОК-оос 5 ширхэг ус соруулах нассос авч, багийн Засаг дарга нарт хүлээлгэн өгч, айл өрхийн усыг хашаанд тогтсон усыг зайлуулж байна.
•Өндөрхаан хот тохижилтын газраас үерийн далан болон усны суваг шуудуунд тогтсон хогийг цэвэрлэж зайлууллаа.
•Хэнтий ЦТСС-аас үерийн усанд авсан 21 айлын цахилгаан эрчим хүчийг түдгэлзүүлж, таслалт хийж, аюулгүй байдлыг хангалаа.
•Аймгийн Засаг Ц.Чогсомжав Хэрлэн сумын 1, 2 дугаар багийн ИШС-ний ажлыг гүйцэтгэж байгаа “Компорт импекс” ХХК, “Солер мед” ХХК, бохирын шугамын ажлын гүйцэтгэгч "Баткомплект" ХХК-ийн төлөөллүүдтэй хуралдаж цөмрөлт үүссэн газруудыг тэгшитгэх, нягтруулах ажлыг яаралтай зохион байгуулж 7 сарын 24-ний дотор иргэдийн аюулгүй байдлыг хангах, хариуцсан ажлаа 8 дугаар сарын 15-ны дотор 100 хувь хийж дуусгах чиглэл өгснөөр тус компаниуд ажлаа эрчимжүүлж байна.
•Хэрлэн сумын ОК 24 цагийн шуурхай жижүүр томилж 7056-3788 утас ажиллуулж, иргэдийн санал хүсэлтийг хүлээн авч байна.
•АЗДТГ-ын Хэвлэл мэдээллийн алба болон орон нутгийн хэвлэл мэдээллийн байгууллагууд иргэдэд сэрэмжлүүлэг мэдээллийг тогтмол хүргэж байна.
