Хэнтий аймгийн онцгой комиссын зүгээс өвөлжилт хүндэрсэнтэй холбогдуулан малчдад туслах хандивын аяныг өрнүүлэх уриалга гаргасан. Энэ хүрээнд төрийн болон төрийн бус байгууллагууд, ААН, хувь иргэд боломжоороо мөнгөн, эд материалын тусламж үзүүлсээр байна.
Тухайлбал өнөөдөр гэхэд Чингис хот дахь түүхий эд бэлтгэн нийлүүлэгчдийн холбооноос 20 сая төгрөгийн үнэ бүхий 800 боодол өвсийг хандивлаж, аймгийн онцгой комисст хүлээлгэн өглөө.
Хандиваар ирж буй өвс тэжээл, эд материалын тусламжийг аймгийн онцгой комиссын шийдвэрээр сумдад хуваарилах юм.
