Тэртээ 1923 онд Дэлгэрхаан сумын нутаг дэвсгэрт ганц эсгий гэр, хоёр ажилтантай үйл ажиллагаагаа эхлүүлж байсан Шуудан мэдээлэл харилцаа холбооны салбар өнөөдөр 100 жилийн ойн нүүрийг үзэж байна. Энэ түүхэн хугацаанд тус салбар улс орны тэргүүлэх чиглэлийн нэг болон хөгжиж, эх орныхоо хөгжил цэцэглэлтэд үнэтэй хувь нэмрээ оруулсаар ирсэн юм.
Тэгвэл өнөөдөр их амжилтын эзэд, зуун жилийн түүхийг бүтээлцсэн гавьяат үйлстнүүд болох Хэнтий аймгийн Мэдээлэл харилцаа холбооны салбарын үе үеийн ахмад буурлууд, ажилтан алба хаагчид ойн баяраа тэмдэглэж, баярын хурлаа хийлээ
Баярын хурлыг нээж Хэнтий аймгийн Мэдээлэл харилцаа холбооны салбарын дарга М. Од-Эрдэнэ үг хэллээ. Тэрээр “Мэдээлэл харилцаа холбооны үндэсний ассоциацийн туган дор нэгдэн нийлж энэхүү 100 жилийн ойн баяраа хамтран зохион байгуулж байна” гэдгийг онцлон дурдлаа.
